Shý aýdanynyń 57 jasar turǵynynan 1,2 tonna keptirilgen marıhýana tabyldy
ASTANA. Maýsymnyń 16-y. QazAqparat /Aıdar Ospanalıev/ - Іshki ister mınıstrliginiń Esirtki bıznesine qarsy kúres komıteti men Jambyl oblysynyń polıtsııa qyzmetkerleri Ulttyq qaýipsizdik komıtetiniń Shekara qyzmetimen birlese otyryp,
Shý aýdanynyń qumdy aýmaǵynda marıhýana daıyndaýmen aınalysatyn 29 jasar Balqash qalasynyń turǵynyn ustady. Odan 725 keli esirtkilik zattar tárkilendi. Bul týraly búgin jýrnalıstermen bolǵan brıfıngte Іshki ister mınıstrliginiń til saıasaty jáne aqparat departamentiniń bastyǵy Qýanyshbek Jumanov málim etti.
Onyń derekterine qaraǵanda, tártip saqshylary esirtkimen kúreske baǵyttalǵan arnaıy sharalar barysynda Shý aýdanynyń Taskól alqabynda 57 jasar er azamatty ustap, odan 1,2 tonna keptirilgen marıhýana tabyldy. Al kólik polıtsııasy Jambyl oblysynyń aýmaǵynda Taraz qalasynyń 42 jasar azamatyn ustap, odan 300 keli keptirilgen marıhýana alyndy. «Shymkentte iri esirtki tasymaldaýshy ustaldy. 54 jasar azamat keli 150 gashıshti saýdalaý ústinde qolǵa tústi. Oqıǵa boıynsha qylmystyq is qozǵaldy», dedi Q.Jumanov.
