Shý aýdanynda qaraqshylar kásipkerge qarý kezenip, aqsha talap etken
ShÝ. QazAqparat – Jambyldyq polıtsııa qyzmetkerleri Shý aýdany kásipkerleriniń birine qaraqshylyq shabýyl jasaǵany úshin oblystyń 29 jáne 34 jastaǵy eki turǵynyn ustady, dep habarlaıdy QazAqparat tilshisi.
15 qarashada 49 jastaǵy turǵyn polıtsııaǵa atys jaraqatymen júginip, túnde medıtsınalyq betperde kıgen belgisiz eki adamnyń úıdiń aýlasyna kirip, qarý kezenip, aqsha talap etkenin habarlaǵan.
«Úı ıesiniń únsizdigi, sondaı-aq kenetten otbasy músheleriniń úıge oralýynan esi shyqqan qaraqshylar oqıǵa ornynan qashyp ketpek bolǵan. Qýdalaýdan qoryqqan olardyń bireýiniń atqan oǵy úı ıesine tıgen. Kúdikti retinde oblystyń 29 jáne 34 jastaǵy 2 turǵyny ustaldy. Atalǵan derekke qatysty QR QK 192-baby 3-bóligi boıynsha sotqa deıingi tergeý bastaldy» delingen oblystyq PD baspasóz qyzmetiniń málimdemesinde.
Kúdiktiler óz kinásin moıyndap, qamaqqa alyndy. Qarý tárkilenip, birqatar saraptamalar taǵaıyndaldy.
