Shý aýdanynda frı kartobyn óndiretin zaýyt salynady

Zaýyt qurylysy aǵymdaǵy jyly bastalmaq. «Taraz hımııalyq parki» arnaıy ekonomıkalyq aımaǵynda salynatyn kásiporyn 2021 jyly iske qosylady dep kútilýde. Nıderlandııalyq belgili «Farm Frites» kompanııasynyń jobasy negizinde júzege asatyn óndiristiń qazirgi tańda jobalyq smetalyq qujattary daıyndalýda. Bul jumys úshin Qazaqstandyq jobalaý ınstıtýty tartylǵan.

Joba quny – 145 mıllıon AQSh dollaryna teń. Zaýyt jylyna kartoptan 70 myń tonna frı ónimin shyǵarýǵa qaýqarly bolmaq. Qurylys kezinde barlyǵy 400-deı adam jumyspen qamtylady dep josparlanýda. Ónim ishki naryqpen qatar TMD elderine de eksporttalmaq.

Aǵymdaǵy jyldyń tamyz aıynda «Farm Frites Beheer B.V.» kompanııasynyń basshylyǵy Jambyl oblysyna kelip, «Hımpark Taraz» AEA-ǵy barlyq ınfraqurylym júıelerin barlap, onda jobany júzege asyrý jáne Shý aýdanynda kartop ósirý múmkindigin tanysqan bolatyn. Eki jaqty kelissózder nátıjesinde zaýyt qurylysy úshin jer teliminiń shekaralary anyqtalyp, bekitilgen.

Aıta keteıik, atalmysh gollandııalyq kompanııanyń 40-tan astam memleketinde satý keńseleri jáne fabrıkalary bar. Jylyna 1,3 mıllıon tonna kartop ónimderin 80-nen astam elge eksporttaıdy. Sondaı-aq, «Farm Frites» - álemdegi frı óniminiń tórtinshi iri óndirýshisi jáne McDonalds pen basqa da fastfýd meıramhanalarynyń halyqaralyq jetkizýshileriniń biri bolyp tabylady.