Shý aýdanynda býkmekerlik keńsege qarýly shabýyl jasaǵan kúdiktiler ustaldy
TARAZ. QazAqparat – Jambyldyq polıtseıler býkmekerlik keńsege qaraqshylyq shabýyl jasaǵan kúdiktilerdi ustady,-dep habarlaıdy QazAqparat tilshisi.
Jambyl oblysy Polıtsııa departamentiniń qyzmetkerleri Shý aýdanyndaǵy býkmekerlik keńselerdiń birine qaraqshylyq shabýyl jasaǵan aýdannyń eki turǵynyn qolǵa túsirdi. Bul týraly departamenttiń baspasóz qyzmeti habarlady.
«Jambyl oblysy Shý aýdanynyń PB kezekshi bólimine saǵat tańǵy 04:30-da belgisiz tulǵalardyń býkmekerlik keńsege kirip, kassırdi qorqyt yp, aqsha alyp ketkeni týraly habarlama kelip tústi.
Tergeý barysynda jas jigitterdiń plastıkalyq terezeni syǵymdaý arqyly býkmekerlik keńsege kirip, kassırge belgisiz qarý qoldaný arqyly 773 myń teńge kólemindegi aqshany ıemdengeni anyqtaldy. Osydan keıin olar belgisiz baǵytqa qashyp ketken»,-delingen habarlamada.
Іzdestirý is-sharalarynyń nátıjesinde Jambyl oblysynyń polıtseıleri kúdiktilerdi anyqtap, ustaǵan. Olar buryn sotty bolǵan Jambyl oblysynyń 23 jáne 24 jastaǵy turǵyndary bolyp shyqty. Jaýap alý barysynda ustalǵandar óz kinálaryn moıyndaǵan.
Polıtsııa departamentiniń habarlaýynsha, qazirgi tańda atalǵan derekke qatysty QR QK 192-babynyń 3-bóligimen (Qaraqshylyq) sotqa deıingi tergeý bastalǵan. Kúdiktiler ýaqytsha ustaý ızolıatoryna qamaýǵa alynypty.
Tergeý amaldary júrgizilýde, ustalǵandardyń basqa da osyǵan uqsas qylmystarǵa qatystylyǵy tekserilýde.
