Shý aýdandyq veterınarlyq stansasynyń dırektory men bas býhgalteri sottaldy

NUR-SULTAN. QazAqparat – Merdiger kompanııalardyń shotyna is júzinde jetkizilmegen taýardyń aqysyn aýdaryp, sybaılasyna zańsyz syıaqy taǵaıyndaǵan Shý aýdandyq veterınarlyq stansanyń dırektory 8 jylǵa sottaldy, dep habarlaıdy QazAqparat tilshisi.

Bul týray Sybaılas jemqorlyqqa qarsy is-qımyl agenttiginiń asa mańyzdy ister boıynsha tergeýshisi Danııar Begaıdarov Antikor aqparat alańynda aıtty.

«14 qyrkúıekte «Shý aýdanynyń veterınarlyq stantsııasy» sharýashylyq júrgizý quqyǵndaǵy kmoomýnaldyq memlekettik kásiporyn dırektory D. Tilemisov 8 jyl merzimge bas bostandyǵynan aıyryldy. Osy mekemeniń býhgalteri S. Aýkesheva 7 jyl merzimge bas bostandyǵynan aıyryldy», - dedi Danııar Begaıdarov.

Agenttik tergeýshisiniń aıtýynsha, dırektor men býhgalter zańsyz áreketteri arqyly memleketke 92,9 mln teńge zııan keltirgen.

«Olar is júzinde jetkizilmegen taýar-materıaldyq qundylyqtar úshin úlestes kompanııalardyń shottaryna negizsiz ótem aýdarý jolymen, sondaı-aq ózderine kóterińki jalaqy, syılyqaqylar men issapar shyǵystaryn negizsiz aýdarý jolymen 62 954 936 teńge somasynda bıýdjet qarajatyn jymqyrý kúdigine ilindi», - dedi agenttik ókili.