Shý alqabynda Bishkek qalasynyń turǵyny 1 tonna 213 keli qarasoramen ustaldy

dep habarlady Jambyl oblystyq ІІD baspasóz qyzmetinen.

Vedomstvonyń atap ótýinshe, «Kendir-2011» jedel aldyn alý is-sharasyn ótkizý barysynda ótken senbi kúni Shý aýdanynyń «Gorodok» ýchaskesinde Qyrǵyzstan Respýblıkasy Bishkek qalasynyń 53 jasar turǵyny iri kólemde marıhýanamen ustaldy.

«Delta-Dolına» arnaıy bólimshesiniń bastyǵy polıtsııa podpolkovnıgi Qýat Japabaevtyń aıtýynsha, ol 1 tonna 213 keli qarasorany daıyndap, onyń bir bóligin keptirip úlgergen. Qupııa jertóle tabylǵan, kelimsek ol jerge esirtki shópti jasyrýǵa tyrysqan.

«Qyrǵyzstanda qaraqshylyq shabýyl jasaǵany úshin jazasyn ótegen esirtki jınaýshy buryn bul jerde bolǵandyǵyn, mundaı iri kólemde ónimdi alǵash ret jınaǵandyǵyn moıyndady. Bul Qyrǵyzstan azamatynyń iri jáne asa iri kólemdegi esirtkimen ustalýynyń besinshi deregi. Kúdikti jeti jyldan 15 jylǵa deıin bas bostandyǵynan aırylýy múmkin», - dedi Q.Japabaev.

Jyl basynan beri jambyldyq polıtseıler zańsyz aınalymnan barlyǵy 6,5 tonnadan astam esirtki zattaryn tárkilep, 158 esirtki qylmysynyń jolyn kesti, onyń ishinde 72 derek esirtki satýmen baılanysty bolyp otyr.