Shtýtgart týrnıriniń irikteý saıysy: Zarına Dııas fınalǵa shyqty
ORAL. QazAqparat - Qazaqstannyń birinshi, álemniń 48-inshi raketkasy Zarına Dııas Shtýtgart týrnırinde irikteý saıysynyń fınalyna shyqty, dep habarlaıdy QazAqparat tilshisi.
Іrikteý jarysynda 2-inshi raketka bolyp tirkelgen Zarına aldymen dúnıejúzilik reıtıngte 167-inshi satyda turǵan chehııalyq Marııa Boýzkovany 6:4, 6:2 esebimen tize búktirdi.
Búgin Z.Dııas kortqa álemniń 662-inshi raketkasy, germanııalyq Anna Gabrıkpen shyǵyp, 1 saǵat 2 mınýtqa sozylǵan matchta qarsylasyn 6:3, 6:1 esebimen utty.
Qazaqstandyq tennısshi endi irikteý saıysynyń fınalynda ýkraınalyq jas sportshy Daıana ıAstremskaıa nemese estonııalyq tájirıbeli tennısshi, irikteý saıysynda 5-inshi bolyp tirkelgen Kaııa Kanepıdiń qaı jeńgenimen kezdesedi. Onda joly bolsa, negizgi týrnırge joldama alady.
Aıta keteıik, júlde qory 816 myń AQSh dollaryna baǵalanǵan Shtýtgart týrnıri 29 sáýirde márege jetedi.
