Shtýtgart áýejaıy tekserýden ótpeı qalǵan 20 myń zatty taratyp jiberdi

ASTANA. QazAqparat - Shtýtgart áýejaıy tekserýden ótpeı qalǵan 20 myń buıymdy qaıyrymdylyq uıymdaryna úlestirip berdi. Bul týraly DPA agenttigi habarlady.

«Áýejaıdaǵy tekseris kezinde ushaq bortyna jiberýge bolmaıtyny anyqtalǵan zattardyń barlyǵy qaıyrymdylyqqa jiberildi», - deıdi áýejaı ókilderi.

Olardyń ishinde negizinen suıytylǵan átir-opa, sýsyndar, soýstar, jumsaq irimshik, marmelad, shokolad pastasy, t.b. zattar bar.

Shtýtgart - Germanııanyń ońtústik-batysyndaǵy eń iri áýejaı. 2018 jyly ol 10 mıllıon jolaýshyǵa qyzmet kórsetip úlgergen.