Shtoker: Aýstrııa beıtarap bolyp qalady jáne NATO-ǵa kirmeıdi

ASTANA. KAZINFORM — Aýstrııa beıtaraptyq saıasatyn qaıta qarastyrmaıdy, NATO-ǵa kirý kún tártibinde de joq, dep habarlaıdy Report.az.

Bul týraly ORF telearnasyna bergen suhbatynda respýblıka kantsleri Krıstıan Shtoker aıtty.

— Biz beıtarap elmiz, beıtaraptyǵymyzǵa kúmán keltirýge bolmaıdy, NATO-ǵa kirý talqylanatyn taqyryp emes, — dedi ol jýrnalıstiń Reseı Qaýipsizdik keńesi tóraǵasynyń orynbasary Dmıtrıı Medvedevtiń Reseı Fınlıandııa men Shvetsııanyń NATO-ǵa qosylýyna baılanysty áskerı qaýip-qaterge jaýap qaıtarý sharalaryn qoldanatynyn jáne Aýstrııa alıansqa kiretin bolsa, erekshe jaǵdaı jasamaıtyny týraly sózine túsinikteme berý týraly ótinishine jaýap retinde.

Buǵan deıin Aýstrııanyń eń iri oppozıtsııalyq partııasy - Aýstrııanyń erkindik partııasynyń jetekshisi Gerbert Kıkl Aýstrııanyń syrtqy ister mınıstri Beata Maınl-Raızıgerdiń konstıtýtsııalyq máńgilik beıtaraptyq prıntsıpin qaıta qaraý qajettigi týraly málimdemelerin qaýipti jáne óte negizsiz dep atady. Buǵan deıin Kopengagende EO elderiniń syrtqy ister mınıstrleriniń beıresmı kezdesýine qatysqan Maınl-Raızıger Aýstrııany Reseıden tónip turǵan qaýipten qorǵaý úshin máńgilik beıtaraptyq konstıtýtsııalyq prıntsıpin saqtaý jetkiliksiz dep málimdegen edi.

Eske sala keteıik, Krıstıan Shtoker Aýstrııa halyq partııasyna basshylyq etedi.