Shtaınmaıer qazaqstandyqtardyń Germanııaǵa vızasyz kirip-shyǵý máselesine pikir bildirdi

ASTANA. QazAqparat - Germanııa Prezıdenti Frank-Valter Shtaınmaıer Qazaqstan azamattary úshin vıza talaptaryn jeńildetý máselesine pikir bildirdi, dep habarlaıdy QazAqparat.

«Bul óte mańyzdy aspekt. Qazaqstan azamattarynyń Germanııaǵa kelýin jáne Germanııa azamattarynyń Qazaqstanǵa kelýin anaǵurlym jeńildetetin múmkindikterdi qarastyrýǵa biz de múddelimiz. Ózińizge málim, vıza máselesi Eýropalyq Odaq deńgeıinde, eýropalyq vedomstvolar deńgeıinde qarastyrylady. Sondyqtan biz bul másele boıynsha EO ustanymyn quptaımyz», - dep atap ótti Germanııa Prezıdenti.