Shtaınmaıer Germanııa prezıdenti boldy
ASTANA. QazAqparat - Burynǵy Syrtqy ister mınıstri, sotsıal-demokrat Frank-Valter Shtaınmaıer Germanııa prezıdenti qyzmetine saılandy, dep habarlaıdy Rıa Novostı.
Germanııa prezıdenti 630 býndestag depýtattary men 630 federaldy jer ókilderinen qurylǵan Federaldy jıyn saılaıdy. Prezıdent laýazymyna saılaný úshin Shtaınmaıerge 631 daýys jınaý qajet bolatyn. Onyń kandıdatýrasy úshin 931 adam daýys berdi. Barlyǵy 1239 adam óz tańdaýyn jasady.
Shtaınmaıer áý bastan-aq prezıdent laýazymyna basty úmitkerlerdiń biri bolatyn. Іs basyndaǵy prezıdent Ioahım Gaýk jańa merzimge saılanýdan bas tartty. Ol óziniń bul áreketin jasynyń 77-ke kelgendigimen túsindirdi.
