Shtattyq ulttyq komandalar men sporttyq qor dırektsııasyna jańa basshy taǵaıyndaldy

ASTANA. 17 mamyr. QazAqparat - Shtattyq ulttyq komandalar men sporttyq qor dırektsııasynyń jańa dırektory taǵaıyndaldy.

QR Sport jáne dene shynyqtyrý isteri agenttiginiń buıryǵymen bul qyzmetke Bolat Qyryqbaev keldi, dep habarlaıdy Shtattyq ulttyq komandalar men sporttyq qor dırektsııasynyń baspasóz qyzmeti.

Bolat Naýryzbaıuly Qyryqbaev 1961 jyly 26 naýryzda týǵan. Ol kúrestiń úsh túrinen KSRO-nyń sport sheberi, «Qurmet» ordeniniń ıegeri, pedagogıka ǵylymdarynyń kandıdaty. Onyń sońǵy laýazymy - Ońtústik Qazaqstan oblysy Týrızm, dene shynyqtyrý jáne sport basqarmasynyń bastyǵy. Dırektsııanyń burynǵy basshysy Qaıyrgeldi Janpeıisov óz ótinishimen qyzmetinen bosatyldy.