Shtattyq ulttyq komandalar dırektsııasy bapker M.Ábjanovtyń Azıadadan shyǵarylýyna túsinikteme berdi

«Osyǵan deıin Qazaqstannyń birqatar BAQ-tarynda Ábjanovtyń tarapynan volonter qyzǵa tıisý áreketteri oryn alǵan dep habar taraǵan bolatyn. Osyǵan baılanysty tergeý júrgizilip jatyr. Alaıda Oıyndardy uıymdastyrý komıtetiniń tarapynan Qazaqstannyń resmı delegatsııasy men Qazaqstannyń Ulttyq Olımpıada komıtetine jazbasha aryzdar túsken joq», - delingen Shtattyq ulttyq komandalar men sporttyq rezerv dırektsııasynyń resmı habarlamasynda. Sondaı-aq atalmysh dırektsııada Qazaqstan Respýblıkasynyń ýshýdan memlekettik bapkeri Medet Ábjanov ShUK jáne SR dırektsııasynyń dırektory K.M.Janpeıisovtiń buıryǵymen Qazaqstanǵa XVII jazǵy Azıada oıyndarynyń olımpıadalyq aýylynan sporttyq rejım men osy aýylda turý erejelerin buzǵany úshin qaıtarylǵanyn aıtty.