Shtanga kóterýden saıys ótkizildi
STANA. Tamyzdyń 23-i. QazAqparat /Danıel Shaıynǵazın/ - Elordalyq «Dınamo» dene shynyqtyrý-sport qoǵamy sport jankúıerlerine taǵy bir syılyq jasady. Qazaqstan Respýblıkasy Konstıtýtsııasynyń 15 jyldyǵyna oraı QR vedomostvolary men qurylymdyq bólinister qyzmetkerleri arasynda ótken spartakıadanyń qorytyndy kezeńi kóleminde jatyp shtanga kóterýden saıys ótkizildi, dep habarlaıdy ІІD baspasóz qyzmetinen Áıgerim Muhanova.
Sporttyń bul túrinen ótken saıysta da Astana qalalyq Іshki ister departamenti abyroımen shyqty. Jalpy komandalyq esepte 1-shi oryndy Astana qalalyq ІІD jeńip alsa, ekinshi oryndy QR ІІM ıelendi, al úshinshi oryndy QR Іshki ásker komıteti qorjyndaryna saldy.
Jeke esepte 80 kılá salmaqtaǵy Oleg Plahatnıýk birinshi oryndy jeńse, ekinshi orynǵa Talǵat Jandarbekov ıe boldy, al úshinshi oryn - Dmıtrıı Shkrebkoǵa tıesili boldy.
90 kılá salmaqta bas júldeni Astana qalalyq ІІD qyzmetkeri Dıdar Ijanov utyp aldy, ekinshi oryndy «Jas Ulan» Respýblıkalyq ulan qyzmetkeri Sergeı Tsyrýlnıkov qorjynyna saldy, úshinshi oryndy QR Іshki ásker komıtetinen Vladımır Salomın aldy.
Absolıýttik úles salmaǵy boıynsha altyn medal Qylmystyq-atqarý júıesi departamentiniń ókili Vladımır Tarasovqa tıesili bolsa, ekinshi oryndy QR ІІM-niń qyzmetkeri Sádýaqas Eshtaev ıelendi, QR ІÁK ókili Arman Túlekov úshinshi oryndy jeńip aldy.
Nátıjesinde jeńimpazdar dıplomdarmen jáne baǵaly syılyqtarmen marapattaldy.
