Shtanga: Búgin Svetlana Podobedova Álem chempıonatynda el namysyn qorǵaıdy
ASTANA. 10 qarasha. QazAqparat - Búgin Parıj qalasynda aýyr atletıkadan ótip jatqan Álem chempıonatynda erler 77 kelide, áıelder 75 kelige deıingi salmaqtarda baq synaıdy.
Qazaqstan ulttyq quramasy bul synda Álemniń eki dúrkin chempıony, áıgili Svetlana Podobedovaǵa úlken senim aryp otyr. Sondaı-aq osy salmaqta Anna Nurmahambetova da baǵyn synap kóredi.
Búgin Qazaqstannyń erler quramasy sapynda 77 kelide Kırıll Pavlov el namysyn qorǵaıdy.
Bul salmaq boıynsha erler arasyndaǵy báseke Astana ýaqyty boıynsha 21 saǵat 30 mınýtta, áıelder básekesi 24 saǵatta bastalady.
Álem chempıonatynyń tartysty básekelerin «Elarna» jáne «Eýrosport» telearnalary kórsetedi.
