Shirkeımen kúresten túk shyqpasa, merdigerdi jaýapqa tartýǵa daıynbyz - Zulpyhar Joldasov

TÚRKІSTAN. KAZINFORM – Túrkistandyqtardy shirkeı ábigerge salyp jatyr. Ásirese, Syrdarııa ózeniniń boıynda ornalasqan aýyl halqy qatty zardap shegip jatyr.

Jumys júrgenmen, nátıje kóńil kónshitpeıdi. Oblys ákiminiń orynbasary Zulpyhar Joldasov merdiger mekemeniń jumysynan nátıje bolmasa aqshasy tólenbeıtinin jetkizdi. Sondaı-aq is quqyq qorǵaý organdaryna beriletinin aıtty.

— Aýdan ákimdigi men oblys ákimdigi tarapynan arnaıy grýppa jasaqtaldy. Olar kúndelikti jumystyń basynda júrip, merdigerdiń qalaı jumys istep jatqanyn qadaǵalap otyr. Ǵalymdardyń aıtýymen dárini 3 ese kóbeıttik, aqshasy da ulǵaıdy. Dárilenetin aýmaq ótken jyly 6 ýchaske bolsa, bıyl 11-ge deıin ósti. Merdiger «Sattu tulik» JShS bıylmen eseptegende úshinshi jyly jumys istep jatyr. Shynyn aıtqanda, kóńil tolmaı otyr. Nátıje bolmaı jatsa, birinshiden aqshasyn bermeımiz. Ekinshiden organǵa berýge daıynbyz, — dedi Zulpyhar Joldasov.

Qazir Syrdarııa ózeniniń jaǵasyndaǵy aımaqtar bıologııalyq jolmen dárilenip jatyr. Al 3 aýdan aýmaǵyndaǵy 51 eldimeken 15 ýchaskege bólingen. Mundaǵy aımaq hımııalyq jolmen zalalsyzdandyrylady.

— Respýblıkada shirkeımen kúres jumystary Pavlodar men Túrkistan óńirinde júrip jatyr. Qazir Pavlodardan mamandar aldyrdyq. Solarmen tájirıbe almasamyz. Basqa zerthana men mamandardy shaqyrtyp, túrli tásilderdi qarap shyǵamyz. Kóshelerdi óńdeýde kólik jetispese, kóbeıtemiz. Ushaqpen de shashamyz. Sondaı-aq dáriniń quramyn ózgertemiz. Onyń adamǵa, tabıǵatqa, jan-janýarǵa zııany bolmaıdy, — dedi oblys ákiminiń orynbasary.

Al Otyrar aýdanynyń ákimdigi shirkeıge qarsy kúreske jaýapty merdigerge aıyppul salynǵanyn jetkizdi. ıAǵnı, «Sattu tulik» JShS 1,4 mln teńge kóleminde aıyppul tóleıtin bolady.

Aıta keteıik, budan buryn da túrkistandyqtardy shirkeı ábigerge salyp jatqanyn jazǵan bolatynbyz.