Shrı-Lankadaǵy jarylystan qaza tapqandar sany 310 adamǵa jetti
KOLOMBO. QazAqparat - Shrı-Lankada jeksenbi kúni bolǵan birneshe jarylys saldarynan qaza bolǵandar sany 310 adamǵa jetti. Polıtsııa málimetine súıensek, taǵy 500-ge jýyq adam zardap shekken, dep habarlaıdy QazAqparat Sınhýa agenttigine silteme jasap.
Kolombonyń Kochchıkade aýdanyna dúısenbi keshkisin ıesiz kólikten tabylǵan jarylǵysh zatty zalalsyzdandyrý kezinde taǵy bir jarylys boldy. Eshkim zardap shekpedi.
Polıtsııa ókili Rýan Gýnasekara (Ruwan Gunasekara) búgin 26 adamnyń ustalǵanyn málimdedi. Kúdiktilerdi qolǵa túsirý operatsııasy jalǵasyp jatyr.
Shrı-Lanka úkimetiniń resmı ókili dúısenbi kúni jýrnalısterge polıtsııanyń teraktiniń bolatyny týraly aldyn ala habar alǵanyn, biraq sáıkes sharalar qoldanbaǵanyn habarlady. Úkimet bul isti óz qolyna alyp, halyqtan keshirim suraıdy.
El prezıdenti Maıtrıpala Sırısena seısenbi kúnge qaraǵan túni adamdardyń qaýipsizdigin qamtamasyz etý maqsatynda shartty tótenshe jaǵdaı rejimin engizdi.
