Shrı-Lankadaǵy sý tasqynynan 150-deı adam qaza tapty
ASTANA. QazAqparat - Shrı-Lankadaǵy sý tasqyny men seldiń saldarynan 151 adam qaza taýyp, 111-i iz-túzsiz joǵalǵandar qatarynda tur. Jarty mıllıonǵa jýyq adam evakýatsııalandy, dep habarlaıdy Bı-Bı-Sı agenttigi.
Shrı-Lankada sońǵy 14 jyldyń ishinde alǵash ret qatty nóser jaýdy. Meteorologtardyń boljamyna sáıkes, jańbyr jýyq arada toqtamaýy múmkin.
Sońǵy ret bul elde osyndaı tabıǵı apat 2003 jyly mamyr aıynda bolǵan edi. Ol kezde qatty jańbyr men ekpindi jeldiń saldarynan 250 adam qaza taýyp, 10 myń úı qıraǵan bolatyn.
Qutqarýshylar seldiń ýaqytsha toqtaǵanyn paıdalanyp, zardap shekken aýdandardaǵy adamdarǵa kómek kórsetip jatyr. Olarmen birge áskerıler de jumys isteýde, olar shaǵyn keme men tikushaqtaryn usyndy.
Daily Mirror jergilikti gazetiniń habarlaýynsha, Kolomboǵa úndi áskerı-teńiz flotynyń ekinshi kemesi - gýmanıtarlyq júgi bar «Shardýl» desanttyq kemesi men úrlemeli qaıyqtar jetkizgen.
Shrı-Lanka BUU men Ońtústik Azııa elderinen tabıǵı apattyń zalalyn joıýǵa kómek kórsetýlerin surǵan bolatyn.
