Shrı-Lankadaǵy sý tasqyny 16 adamnyń ómirin qıdy
ASTANA. 12 qańtar. QazAqparat - Shrı-Lankadaǵy sý tasqyny kem degende 16 adamnyń ómirin qıdy, 180 myń halyq óz úılerin tastap ketýge májbúr bolyp otyr.
Arnasynan asqan ózender men kólder eldiń ońtústik-shyǵysyndaǵy Amparaı jáne shyǵysyndaǵy Battıkaloa qalalaryn basyp qalǵan. Keıbir jerlerde joldar men temirjol relsteri sý astynda qalǵandyqtan, eldi mekendermen baılanysqa shyǵý qıyndap ketti, dep habarlaıdy Ýtro.rý agenttigi.
«Qazirgi tańda jaǵdaı óte qıyn (seısenbi kúngi jaǵdaı boıynsha eldiń shyǵys jáne ortalyq aýmaqtarynda 160 mıllımetrden astam jaýyn-shashyn jaýǵan). 1 myń 128 úı tolyǵymen qırap qalsa, 1 myń 48 úıge zaqym kelgen», - deıdi teleradıokompanııaǵa bergen suhbatynda tabıǵat apattary saldarlarynyń aldyn alý jónindegi komıtet ókili Pradıp Koddıplı. Qaza tapqandardyń kóbi jaýyn-shashyn saldarynan bolǵan sel kezinde kóz jumǵan.
