Shrı-Lankadaǵy laı kóshkininen keıin 200 otbasy tabylmaı jatyr
ASTANA. QazAqparat - Shrı-Lankadaǵy úsh aýylda júrip ótken laı kóshkini saldarynan shamamen 200 januıa tabylmaı jatyr, dep habarlady jergilikti «Qyzyl Krest» bólimshesinen.
«VVS» agenttiginiń habarlaýynsha, laı kóshkini araldyń ońtústigindegi Sırıpýr, Pallebage jáne Elagıpıtıa aýyldarynda boldy.
«Qyzyl Krest» habarlamasynda aıtylǵandaı, ótken túnde barlyq aýdan jaryqsyz qaldy. Bul qutqarýshylardyń aýyldarǵa jetýine kedergi keltirdi.
Sársenbi kúni tańerteń bastalǵan shara barysynda qutqarýshylar men eriktiler aman qalǵan 180 adamdy tapty. Úıindilerdiń astynan 13 máıit shyǵaryldy.
Aralda laı kóshkini jıi bolady. Jaýyn mol túsetin mamyr aıynan jeltoqsanǵa deıin araldyń shyǵysy men ońtústik-shyǵysynda laı kóshkini qaýpi joǵary.
2014 jyly araldyń ortalyq bóligindegi Mırıııabedda plantatsııasynda laı kóshkini júrip, keı úıler toǵyz metrlik balshyq astynda qaldy.
