Shrı-Lankadaǵy laı kóshkininen qaza tapqandar sany 70-ten asty
ASTANA. QazAqparat - Shrı-Lankadaǵy laı kóshkininiń saldarynan qaza tapqandar sany artýda. Sońǵy málimetterge sáıkes 71 adam kóz jumyp, 120-dan astamy iz-túzsiz joǵalǵandar qatarynda.
Іzdeý-qutqarý jumystary áli jalǵasyp jatyr. Laı kóshkini ásirese Kolombo okrýgine qatty zardabyn tıgizgen. Jergilikti bıliktiń málimetinshe, tabıǵat apatynan myńdaǵan adam zardap shekken. 300 myńǵa jýyq adam óz úılerin tastaýǵa májbúr bolǵan, dep jazady sheteldik BAQ.
Aıta keteıik, Shrı-Lankada laı kóshkini jıi bolady. Jaýyn mol túsetin mamyr aıynan jeltoqsanǵa deıin araldyń shyǵysy men ońtústik-shyǵysynda laı kóshkini qaýpi joǵary.
