Shrı-Lankadaǵy kóshkinder 180-ge jýyq adamdy baspanasyz qaldyrdy, apat qurbandary da bar
ASTANA. QazAqparat - Shrı-Lankada júrgen kóshkin saldarynan jeti adam qaza tapty, onyń arasynda eki jasar bala bolǵan, 180-nen astam adam baspanasyz qalǵan, dep habarlaıdy senbi kúni jergilikti polıtsııaǵa silteme jasaǵan Hindu basylymy.
Araldyń ońtústik bóligin sý basyp, kóshkinderdiń júrýine nóser jańbyrlar sebep boldy.
Keıbir aýdandarda 100 mıllımetrden astam jaýyn-shashyn túsetini kútilip otyr.
El astanasy Kolombo qalasynda adam kóp júretin birqatar kósheni sý basqan.
Shrı-Lankada mýsson jańbyrlarynyń maýsymy mamyrdan qarashaǵa deıin jalǵasady, tabıǵı apat kóptegen adamdardyń ómirin qıyp, el ekonomıkasyna aıtarlyqtaı shyǵyn keltiredi.
2014 jyldyń qazanynda Shrı-Lankada bolǵan kóshkinder saldarynan kem degende 16 adam mert boldy, 300 adamnyń joǵalyp ketkeni týraly habarlanǵan, dep jazady RIA Novostı.
