Shrı-Lankadaǵy kóshkin men sý tasqyny 47 adamnyń ómirin qıdy

ASTANA. KAZINFORM – Shrı-Lankadaǵy tabıǵı apattar 47 adamnyń ómirin qıdy, 21 adam iz-túzsiz joǵalyp ketti, dep habarlaıdy Anadoly aqparat agenttigi. 

Jergilikti Daily Mirror gazetiniń jazýynsha, Shrı-Lankanyń Apattardy basqarý ortalyǵy ótken aptadan beri elde jalǵasyp jatqan nóser jańbyr saldarynan adam shyǵyny bolǵanyn atap ótip, málimdeme jasady.

- Tabıǵı apattar 47 adamnyń ómirin qıdy, 21 adam iz-túzsiz joǵalyp ketti, sondaı-aq kóptegen údi, egistik alqaptardy jáne joldardy sý basty. El boıynsha apat 5893 adamǵa áser etti, - delingen málimdemede.

Bılik ókilderiniń málimdeýinshe, tastardyń, balshyqtyń jáne aǵashtardyń relsterge qulaýyna baılanysty taýly aımaqtarda keıbir poıyzdar qozǵalysy toqtap, keıbir jeliler sý astynda qalǵan.

Buǵan deıin Balqandaǵy sý tasqynynan Albanııada áıel qaza tapty, Grekııaǵa kóshkin qaýpi tóngenin jazǵan bolatynbyz. 

Vetnamda sý tasqynynan 72 adam qaza boldy. 

Al Taılandtyń ońtústiginde sý tasqyny saldarynan júzdegen týrıst evakýatsııalandy.