Shrı-Lankada jolaýshylar mingen avtobýs quzdan qulady
ASTANA. KAZINFORM – Shrı-Lankanyń taýly aımaǵynda jolaýshylardy alyp kele jatqan avtobýs joldan shyǵyp ketip, jardan qulady. Bul týraly Uza.uz jazdy.
Arab News aqparat portalynyń málimetine súıensek, apat saldarynan 15 adam qaza taýyp, 16 adam jaraqat alǵan.
Polıtsııa ókili Fredrık Výtlerdiń aıtýynsha, beısenbi kúni keshke Kolombodan 280 shaqyrym shyǵysta ornalasqan Velavaııa qalasy mańynda bolǵan apat kezinde avtobýs shamamen 1 000 fýt (shamamen 300 metr) bıiktikten qulaǵan. Zardap shekkenderdiń beseýi – bala.
Alǵashqy tergeý qorytyndysyna sáıkes, joǵary jyldamdyqpen kele jatqan avtobýs áýeli basqa kólikpen soqtyǵysqan, keıin tosqaýylǵa soǵylyp, jardan qulap ketken.
Buǵan deıin Irannan shyǵarylǵan 70-ten astam aýǵanstandyq bosqyn jol apatynan qaza tapqanyn jazǵan edik.