Shrı-Lankada janyp jatqan qoqys úıindisi qulap jıyrmaǵa jýyq adam qaza tapty
ASTANA. QazAqparat - Shrı-Lanka astanasynyń soltústik-shyǵysynda qoqys úıindisi qulap, 20-ǵa jýyq adam qaza tapty, dep habarlady Kolombo polıtsııasyna silteme jasap TASS.
Quqyq qorǵaý organdarynyń derekterine sáıkes, bıiktigi 91 metrden asatyn salmaǵy birneshe myń tonna qoqys órtengen Kolonnaval kvartalynda qutqarý jumystary aıaqtaldy. Úıindi arasynan 21 adam tabyldy. Úsheýi habar-osharsyz joǵalǵandar, 40-tan astam adamdy kúıik shaldy. Kolombo ulttyq aýrýhanasynda eki zardap shekken adam aýyr halde jatyr.
Polıtsııa apat aýdanynda urlyq týraly habarlama túskennen keıin torýyldaýdy kúsheıtti. Kúdikti 18 adam tutqyndaldy. 145 úı qırady, júzdegen qurylys ishinara zaqymdandy. 400-den astam áskerı qyzmetshi tazalaý jumystaryn júrgizýde. 600-den astam adam mektepke ornalastyryldy.
