Shrı-Lankada janarmaı tıegen poıyz relsten shyǵyp ketti
ASTANA. KAZINFORM – Jeksenbi kúni tańerteń Shrı-Lankada janarmaı tasyǵan poıyz relsten shyǵyp ketip, eldiń negizgi temirjol magıstrali boıyndaǵy poıyz qozǵalysy toqtady, dep habarlaıdy Kazinform Sınhýaǵa silteme jasap.
Oqıǵa Batys provıntsııasynda Mırıgama men Ýıylvatte temirjol stantsııalary aralyǵyndaǵy ýchaskede boldy. Basqarma málimetteri boıynsha, poıyz Kolonnava janarmaı qoımasynan Battıkaloaǵa janarmaı tasymaldaǵan.
Qazirgi ýaqytta temirjolshylar poıyzdardyń turaqty qozǵalysyn qalpyna keltirý úshin joldy tazalap jatyr.
Bul elde jıi temirjol apaty bolady. Shrı-Lanka temirjol basqarmasynyń baıandamasyna sáıkes, 2023 jyly poıyzdar qatysqan 1 239 oqıǵa tirkelgen, sonyń ishinde 125 poıyz relsten shyǵyp ketken.
Eske salsaq, osyǵan deıin Frantsııada temirjoldaǵy vandalızm saldarynan poıyzdar toqtatylǵanyn jazǵanbyz.