Shrı-Lankada jańa Prezıdent saılandy
NUR-SULTAN. QazAqparat – Sársenbi kúni Shrı-Lanka prezıdentiniń mindetin atqarýshy Ranıl Vıkramasınghe el prezıdenti bolyp saılandy. Bul týraly el parlamentiniń spıkeri Mahında ıApa Abeıvardena málimdedi, dep habarlaıdy QazAqparat TASS aqparat agenttigine silteme jasap.
Onyń aıtýynsha, Vıkramasınghe 134, Dallas Alahaperýma - 82, Anýra Kýmar Dısanaıaka – úsh daýys jınaǵan. Barlyǵy 225 depýtattyń 223-i daýys berdi, ekeýi kelmedi, birneshe bıýlleten jaramsyz dep tanyldy.
Shrı-Lanka parlamenti alǵash ret prezıdentti birneshe kandıdattan saılady. Shrı-Lanka prezıdenti búkil elde ótetin saılaýda bes jyldyq merzimge saılanady. Gotabaıa Radjapaksa otstavkaǵa ketýi sebebimen, konstıtýtsııaǵa sáıkes, jańa prezıdentti aǵymdaǵy merzimniń sońyna deıin zań shyǵarýshy organ saılady.
1993 jyly prezıdent Ranasınhe Premadasanyń qaıtys bolýyna baılanysty (ol jankeshti terrosıst shabýylynan qaza tapty) parlament Dıngırı Banda Vıdjetýnge qalǵan prezıdenttik merzimge saılady. Sol kezde onyń kandıdatýrasy jalǵyz bolǵandyqtan, ol biraýyzdan saılandy.
Shrı-Lankadaǵy saıası jaǵdaı 9 shildede kúni sherýshiler memleket basshysy men premer-mınıstr rezıdentsııalaryn basyp alǵan kezde ýshyǵa tústi. Tártipsizdik kezinde 100-den astam adam jaraqat aldy.
Vıkramasınge budan buryn TASS agenttigine bergen suhbatynda aıtqandaı, aral memleketi qazirgi tarıhtaǵy eń aýyr daǵdarysty bastan ótkerýde: valıýta, janar-jaǵarmaı, munaı ónimderi, tyńaıtqyshtar, azyq-túlik pen dári-dármektiń aıtarlyqtaı tapshylyǵy baıqalady. Onyń aıtýynsha, daǵdarystan tolyq shyǵý úshin elge keminde úsh jyl qajet.
