Shrı-Lankada sý tasqynynan 200-den astam adam qaza tapty
ASTANA.QazAqparat - Shrı-Lankadaǵy nóser jaýynnan keıingi sel men sý tasqyny saldarynan qaza tapqandar sany 202-ge jetti, iz-tússiz joǵalǵandar sany 96, dep habarlaıdy reseılik TASS agenttigi.
Agenttiktiń málimdeýinshe, ótken jumada bastalǵan aýa raıynyń qolaısyzdyǵynan 77 myńǵa jýyq adam óz úılerinen tastap ketýge májbúr bolǵan. 1,5 myńǵa jýyq ǵımarat qıraǵan.
Shrı-Lanka qarýly kúshteri Úndistannyń áskerı-teńiz kúshteriniń kómegimen izdestirý-qutqarý jumystaryn jalǵastyryp jatyr. Elge BUU, Avstralııa, Japonııa jáne Pákistan elderi gýmanıtarlyq kómek kórsetti, Qytaı, Reseı jáne AQSh kómek qolyn sozýǵa ázir ekenin bildirdi.
