Shrı-Lankada nóser jańbyrdyń sońy sý tasqynyna aınaldy
ASTANA. 6 aqpan. QazAqparat - Shrı-Lankanyń soltústigi men shyǵysynda nóser jańbyrdyń sońy sý tasqynyna ákep soqty. Bılik oryndarynyń habarlaýynsha, tabıǵı apattan 5 adam qaza tapqan jáne 2 adamnyń óli-tirisi beımálim, dep habarlaıdy RBK.
Bular tasqyn ǵana emes, laı-kóshkinderiniń de qurbandary. Shrı-Lankanyń Apattarmen kúres jónindegi memlekettik ortalyǵynyń habarlaýynsha, 80 myńnan astam adam óz úı-jaılaryn tastap ketýge májbúr bolǵan. Olar búginde ýaqytsha panalaý lagerlerinde mekendeýde. Barlyǵy osyndaı 322 lager paıda bolǵan. Sý tasqyny jarty mıllıon adam turatyn aýdandarǵa jaıyldy.
