Shrı-Lankada narazy top prezıdenttiń úıine basyp kirip, otstavkaǵa ketýin talap etti
NUR-SULTAN. QazAqparat – Shrı-Lanka astanasy Kolomboda myńdaǵan demonstranttar polıtsııa qorshaýyn buzyp ótip, prezıdent rezıdentsııasyna kirdi. Bul týraly QazAqparat VVS agenttigine silteme jasap habarlaıdy.
El ekonomıkalyq daǵdarysqa ushyrady, narazylyq bıylǵy naýryz aıynan beri basylmaı otyr.
Shrı-Lankanyń premer-mınıstri Ranıl Vıkrmesınghe óz partııasynyń jetekshilerin shuǵyl jınalysqa shaqyryp, spıkerge parlament múshelerin dereý jınaýdy buıyrdy.
Senbi kúngi jappaı sherý - aýyr ekonomıkalyq daǵdarysqa ushyraǵan aral elindegi bıylǵy eń iri narazylyq sharalarynyń biri.
Polıtsııa sherýshilerdi taratý úshin sý atqyshtar men kózden jas aǵyzatyn gaz qoldanǵan.
Qorǵanys mınıstrliginiń habarlaýynsha, prezıdent Gotabaı Radjapaksa demalys kúnderi bolatyn narazylyq týraly eskertýge baılanysty juma kúni rezıdentsııasynan shyǵaryldy.
Shrı-Lanka 1948 jyly Ulybrıtanııa qaramaǵynan shyqqannan beri eń aýyr ekonomıkalyq daǵdarysty bastan keship jatyr.
Elde janar-jaǵarmaı tapshylyǵy qatty sezilýde, sonymen qatar azyq-túlik pen dári-dármek jetispeýshiligi baıqalady. Ótken aıda eldegi ınflıatsııa kórsetkishi 50 paıyzdan asty.
Shrı-Lanka turǵyndary bıliktiń áreketsizdigine ashýlanyp, prezıdenttiń otstavkaǵa ketýin talap etip otyr.
Foto: gettyimages.com
