Shrı-Lankada maımyl elektr stantsııasyna kirip ketip, eldi jaryqsyz qaldyrdy
ASTANA. KAZINFORM - 9 aqpan kúni Shrı-Lanka astanasy Kolombonyń ońtústik shetindegi elektr stantsııasyna maımyl kirip ketip, búkil el boıynsha elektr energııasynyń úzilýine sebep boldy.
BBC-diń habarlaýynsha, oqıǵa jergilikti ýaqyt boıynsha 11:00-da bolǵan. Shrı-Lankanyń energetıka mınıstri Kýmar Djaıakodı maımyldyń elektr jelisindegi transformatorǵa tıip ketkenin, sonyń saldarynan elektr júıesiniń isten shyqqanyn málimdedi.
Mınıstrdiń aıtýynsha, ınjenerler qazirgi ýaqytta aqaýdy joıý jumystaryn júrgizip jatyr jáne elektrmen jabdyqtaýdy múmkindiginshe tez qalpyna keltirý úshin tıisti sharalar qabyldanyp jatqan kórinedi.
Alaıda, oqıǵadan keıin úsh saǵat ýaqyt ótkenine qaramastan, keıbir aımaqtarda elektr qýaty tolyq qalpyna keltirilgen joq.
Sońǵy jyldary Shrı-Lankada elektr stantsııalaryndaǵy tehnıkalyq aqaýlarǵa baılanysty birneshe ret el aýqymyndaǵy jaryq óship qalyp otyrǵan.
Eske salsaq Shrı-Lanka BRIKS-ke kirýge ótinish bergen edi.