Shrı-Lankada qarttar úıindegi órtten 12 adam kóz jumdy
ASTANA. KAZINFORM — Shrı-Lankanyń batysyndaǵy qarttar úıinde bolǵan órtten 12 adam qaza taýyp, birneshe adam jaraqat aldy, dep habarlaıdy Sınhýa.
Shrı-Lankanyń Batys provıntsııasyndaǵy qarttar úıinde bolǵan órtten 12 adam qaza tapty.
Jergilikti polıtsııanyń málimetinshe, órt 3 maýsym kúni keshke Horana qalasynyń Angýrývatota aýdanyndaǵy qarttar úıinde shyqqan.
Qutqarýshylar 44 adamdy evakýatsııalap úlgerdi. Zardap shekken 7 adam qajetti medıtsınalyq kómek kórsetý úshin jaqyn mańdaǵy aýrýhanaǵa jetkizildi.
Quqyq qorǵaý organdarynyń habarlaýynsha, taǵy úsh adam iz-túzsiz joǵalǵandar qataryna endi.
Qazirgi ýaqytta mamandar órttiń shyǵý sebepteri men mán-jaıyn anyqtap jatyr.
Aıta keteıik, Óskemen qalasynyń ortalyq kósheleriniń birinde aýqymdy órt shyqty.
