Shrı-Lankada alyp órmekshi tabyldy
ASTANA. 7 sáýir. QazAqparat - Shrı-Lankada alyp órmekshi búıi tabyldy. Bul adam betiniń kólemindeı býyn aıaqtylardyń jańa túri eken.
Atalmysh búıiler óte sırek kezdesedi. Olar qartaıǵan aǵashtardy panalaıtyn kórinedi. Alaıda jasyl jelekti otaýǵa baılanysty olardyń sany da kemip otyr. Tirshilik etýdiń qolaıly jeri bolmaǵandyqtan, búıiler qaraýsyz qalǵan úılerdi meken etýde. Alyp búıiniń ýy tyshqandy, kesirtkeni nemese shaǵyn qusty óltirýge jetkilikti.
Órmekshige zertteýshilerdiń araldaǵy saıahatynda birge erip júrgen polıtseıdiń esimi berildi.
