Shrı-Lankada álemdegi eń úlken jasandy shyrsha qurastyryldy
ASTANA. QazAqparat - Shrı-Lanka bıligi Kolombo qalasynda álemdegi eń úlken jasandy shyrshany qurastyrdy, dep habarlaıdy Bı-bı-sı.
Shyrsha qańqasy bolat symdardan jasalynyp, qoldan salynǵan mıllıondaǵan búrshikter men júz myńdaǵan merekelik shamdarmen bezendirilgen. Onyń bıiktigi 73 metr. Ideıa avtorlary týyndyny ártúrli dinı senimdegi adamdar arasyndaǵy ózara túsinistiktiń nyshany retinde qurastyrǵan.
Olardyń aıtýynsha, shyrshany Gınnestiń rekordtar kitabyna álemdegi eń bıik shyrsha retinde engizý úshin ótinish berilgen. Qazirgi rekord 2015 jyly Qytaıdyń Gýanchjoý qalasyndaǵy ornatylǵan 53 metrlik shyrshaǵa tıesili. Shrı-Lanka turǵyndary býddızm, ındýızm jáne ıslam dinderin ustanady. Sondaı-aq, bul elde katolık baǵytyn ustanatyndar da joq emes.
