Shrı -Lanka teńizshileri ashyq teńizge aǵyp ketken eki pildi qutqardy
ASTANA. QazAqparat - Shrı -Lanka teńizshileri ashyq teńizge alyp ketken eki pildi qutqardy. Qutqarý operatsııasyna birneshe qaıyqqa mingen onshaqty adam qatysty.
Pilderdiń sýǵa tunshyǵyp qalmaýyn súńgýirler baqylady.
Teńizshiler janýarlardy arqandarmen baılap jaǵalaýǵa súıredi. Artynsha pilder qalyń ormanǵa kirip ketti.
Atap ótken jón, bul sońǵy bir jarym apta ishindegi Shrı-Lanka Áskerı teńiz kúshteriniń jabaıy pilderdi qutqarýǵa qatysqan ekinshi oqıǵa. Ótken joly olar jaǵalaýdan shamamen segiz shaqyrymdaı qashyqtyqta aǵyp bara jatqan taǵy bir pildi qutqarǵan bolatyn. Onyń ómiri úshin teńizshiler 12 saǵat aıqasty.
