Shrı-Lanka Eýrazııa elderi parlament spıkerleriniń elordadaǵy otyrysyna qatysady
KOLOMBO. QazAqparat - Qazaqstannyń Elshisi Bolat Sársenbaev Shrı-Lanka Demokratııalyq Sotsıalıstik Respýblıkasy Parlamentiniń Spıkeri Karý Djaıasýrııamen kezdesti. Bul týraly «QazAqparat» HAA-nyń menshikti tilshisi habarlaıdy.
Kezdesý barysynda Elshi parlamenttik dıplomatııa arqyly jumys júrgizý Qazaqstan Syrtqy ister mınıstrliginiń mańyzdy baǵyttarynyń biri bolyp tabylatynyn atap ótip, eki eldiń zań shyǵarýshy organdary arasyndaǵy yntymaqtastyqtyń keleshegin talqylady. Parlamentaralyq dıplomatııany jandandyrý qajettigine mán berdi.
Elshi Shrı-Lanka tarapyna 2019 jylǵy 23-24 qyrkúıekte Qazaqstan astanasynda ótetin Eýrazııa elderi parlamentteri spıkerleriniń «Úlken Eýrazııa: Dıalog. Senim. Áriptestik» taqyrybyndaǵy 4-shi otyrysyna qatysýǵa shaqyrý hattyn tabys etti.
Óz tarapynan Spıker K.Djaıasýrııa atalǵan oqıǵaǵa úlken qyzyǵýshylyq bildirip, Shrı-Lanka tarapynyń is-sharaǵa qatysýǵa daıyndyǵy týraly resmı jaýabyn berip, jaqyn arada josparlanǵan basqa da kópjaqty oqıǵalar aıasynda qazaqstandyq parlamentshilerimen kezdesýge qyzyǵýshylyq bildirdi.
