Shpekbaev jemqorlyqty joıýǵa nemquraıly qaraǵan mınıstrlikterdi atady
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev memlekettik organdardaǵy sybaılas jemqorlyqqa ıtermeleıtin sebepterdi joıý boıynsha jospar ázirleýdi tapsyrdy, dep habarlaıdy QazAqparat.
Bul týraly qoǵamdyq monıtorıng jáne sybaılas jemqorlyq táýekelderin taldaý qorytyndylaryna arnalǵan jınalysta málimdedi.
«Ákimshilik kedergiler, zańnamalyq aktiler, sybaılas jemqorlyqqa qarsy áreket etý máseleleriniń barlyǵyn sheshýge bolady. Bul eń aldymen, atalǵan qurylymdardy basqaratyn jetekshilerdiń múddeliligine baılanysty. Ókinishke oraı, Aýyl sharýashylyǵy jáne Qarjy mınıstrligine jibergen usynymdarymyzdyń oryndalý barysyna aldyn ala taldaý júrgizgende, atalǵan memlekettik organdardyń nemquraıly qaraǵanyn kórdik. Buǵan jol berýge bolmaıdy, sebebi jemqorlyq sebepterin joıýǵa kedergi jasaıtyn kez kelgen áreket jemqorlyqqa ıtermeleý bolyp baǵalanady», - dedi Alık Shpekbaev.
Agenttik tóraǵasynyń orynbasary engizilgen usynymdardyń tolyq oryndaýyn qamtamasyz etip, baqylaý qajettiligine toqtaldy.
«Jemqorlyq qaýipterin taldaý boıynsha jol kartasyn biz kórsetken usynymdardaǵy sebepterdi joıý boıynsha naqty jospar almastyrýy kerek. Ol úshin Jemqorlyqqa qarsy saıasat departamentine sáıkes qujatty ázirlep, bekitýge jiberýin tapsyramyn», - dedi tóraǵa orynbasary.
Sonymen birge, Alık Shpekbaev saraptama nátıjesin tanystyrdy. Onda Ádilet mınıstrligine túsetin árbir ekinshi aryzdyń sot aktileriniń oryndalýyna baılanysty ekeni kórsetilgen. ıAǵnı, 7378 aryzdyń 3798-i nemese 51,4%-y Sot aktilerin oryndaý boıynsha departamenttiń qyzmetine túsken.
Resmı derekterge sáıkes, sot aktileriniń naqty oryndalýy 43paıyzdy ǵana quraıdy, 298 múlikke qatysty isterdiń 128-i oryndalǵan. Qaıtarylǵan shyǵyn somasy - 38%, ıaǵnı 2,8 mlrd teńgeniń 1 mlrd-y qaıtarylǵan.
