Shpekbaev: Jemqorlyqqa qatysty aqparat úshin 240 myń teńgege deıin syıaqy beriledi
Sybaılas jemqorlyq týraly habardy call-ortalyqqa habarlasyp nemese vedomstvo basshysynyń jeke poshtasyna jiberýge bolady.
Sońǵy jyldary Qazaqstan sybaılas jemqorlyqpen kúreste onyń paıda bolýynyń sebepteri men jaǵdaılaryn joıýǵa baǵyttalǵan sharalardy halyq bolyp qolǵa alǵanyn atap ótken jón. Osy oraıda Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy mundaı qylmystyń kýágeri bolǵan adam ne isteý kerektigin aıtty.
«Dostar, eger de sybaılas jemqorlyq quqyq buzýshylyqtary, ıaǵnı parany qorqytyp alý nemese usyný, bıýdjet qarajatyn urlaý josparynyń, laýazymdyq ókilettikterin asyra paıdalaný jaǵdaılarynyń kýágeri bolyp jatsańyzdar, tez arada agenttikke habarlasyńyzdar», - dedi Alık Shpekbaev.
Alık Shpekbaev sybaılas jemqorlyqqa qatysty aqparatty táýlik boıy jumys jasaıtyn 1424 nómirli Call-ortalyǵyna nemese alik.shpekbaev@gmail.com poshtasyna jiberýge bolatynyn aıtty.
Agenttik basshysy birde-bir ótinishtiń qaraýsyz qalmaıtynyna kepildik bere otyryp, aqparatty bólisken azamattardyń qupııalylyǵy men quqyǵy qorǵalatynyn jáne kelip túsken aqparat rastalsa, ótinish ıesi 240 myń teńgege deıin syıaqy ala alatynyn atap ótti.