Shpekbaev sybaılas jemqorlyqtyń ekonomıkalyq faktorlaryn atady
Búgin agenttikte birinshi jartyjyldyqty qorytyndylaýǵa arnalǵan alqa otyrysy ótti. Jıynda agenttik tóraǵasy Alık Shpekbaev sybaılas jemqorlyqtyń ekonomıkalyq faktorlaryn atady.
«Qazaqstanda sybaılas jemqorlyqtyń negizgi ekonomıkalyq faktorlarynyń biri, árıne, ekonomıkadaǵy áli de saqtalyp otyrǵan eleýli memlekettiń úlesi. Sheneýnikter basqaratyn memlekettik kásiporyndar erekshe tıimdilikpen kózge túspeıdi jáne de sybaılas jemqorlyq málimetine jıi iligedi», - dedi agenttik tóraǵasy Alık Shpekbaev.
Onyń aıtýynsha, qazirgi pandemııa daǵdarysy iskerlik belsendilikke qatty soqqy bergen.
«Osyǵan baılanysty ony sapaly qalpyna keltirý úshin kásipkerlikti barynsha erkindik pen básekelestiktiń qaǵıdattary negizinde memlekettik retteýdi aýqymdy yryqtandyrýǵa baǵyttalǵan keshendi sheshimder qajet. Bıznesti júrgizý úshin qolaıly orta qurý – bul strategııalyq mindet, sonymen qatar, sybaılas jemqorlyqqa qarsy saıasat turǵysynan da dál solaı. Tıisti tujyrymdamalyq sharalar 2021-2023 jyldarǵa arnalǵan sybaılas jemqorlyqqa qarsy strategııany iske asyrý jónindegi is-sharalar josparynda kózdeletin bolady», - dedi Alık Shpekbaev.
Eske sala ketsek, buǵan deıin Alık Shpekbaev Tsıfrlyq damý, ınnovatsııalar jáne aeroǵarysh ónerkásibi mınıstrligi men Bilim men ǵylym mınıstrliginde 2 qylmystyq is tergelip jatqanyn aıtyp ótti.
