Shpekbaev memqyzmetshilerden quralǵan qylmystyq top máselesin jeke baqylaýyna aldy

ASTANA. QazAqparat - Almaty qalasynyń turǵyny Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa memlekettik qyzmetshilerden quralǵan uıymdasqan qylmystyq topqa shaǵymdandy, dep habarlaıdy QazAqparat.

Memlekettik qyzmet isteri agenttiginiń baspasóz qyzmetinen málim etkendeı, vedomstvo basshysy Alık Shpekbaev 5 qyrkúıek kúni «Nur Otan» partııasynda qoǵamdyq qabyldaý ótkizdi.

Kezdesýde azamattar agenttik basshysyna memlekettik jáne quqyq qorǵaý organdary qyzmetkerleriniń zańsyz áreketterine shaǵymdanyp, jemqorlyq faktileri týraly habarlady.

Ár azamat jekeleı, sondaı-aq vıdeobaılanys arqyly tildesýge múmkindik aldy.

Almaty qalasynyń turǵyny Farhat Agıshev vıdeobaılanys arqyly memlekettik qyzmetshilerden quralǵan uıymdasqan qylmystyq toptyń áreketine shaǵymdandy. Onyń aıtýynsha, top músheleri qylmystardy jasyrý úshin ózderiniń qyzmettik mansaptaryn paıdalanady.  

Alık Shpekbaev azamattyń shaǵymyn tekserýdi tapsyryp, bul máseleni jiti baqylaýyna aldy.

Barlyǵy 11 azamat shaǵym túsirdi. Olardyń arasynda qylmystyq isterdi qaraý kezindegi alaıaqtyq, reıderlik, sarsańǵa salý faktileri boıynsha ІІB qyzmetkerleriniń ústinen shaǵymdar, jer qatynastaryna qatysty máseleler, memlekettik qyzmetshilerdiń ádep normalaryn ustanýy jáne basqa da máseleler bar.

Alık Shpekbaev qabyldaý barysynda ótinishterdiń eshbiri qaraýsyz qalmaıtynyna, dálelder rastalsa, kináli tulǵalardyń jaýapqa tartylatynyna sendirdi.