Shpekbaev: Qazaq kúresin halyqaralyq dárejege kótergimiz kelse - bıýdjetten qarjy bólý kerek
NUR-SULTAN. QazAqparat - Qazaq kúresi erejelerin belgili bir júıege alyp kelýimiz kerek. Bul týraly elordada ótken Qazaq kuresi assosatsııasynyń Kongresinde aıtyldy, dep habarlaıdy QazAqparat tilshisi.
«Qazaq kúresi qazir elimizde ǵana emes, dúnıe júzi boıynsha keń kólemde tanymal bola bastady. Búgingi tańda bul salada sheshimin tappaǵan máseleler bar ekenin de aıta ketý kerek. Dúnıejúzilik qazaq kúresiniń birinshi máselesi - qarjylandyrý. Qaıyrymdylyqtyń arqasynda kóptegen sharalar ótip jatyr, biraq bıýdjetten qarjylandyrylýǵa tıisti. Eger qazaq kúresiniń deńgeıin halyqaralyq dárejedegi deńgeıge kótergimiz kelse - bıýdjetten qarjy bólý kerek», - deıdi Dúnıejúzilik qazaq kúresi federatsııasynyń prezıdenti Alık Shpekbaev.
Ol Halyqaralyq qazaq kúresi federatsııasy, Dúnıejúzilik qazaq kúresi federatsııasy jáne Respýblıkalyq qazaq kúresi federatsııalarynda erejeler ártúrli ekenin aıtty.
