Shpekbaev qaramaǵyndaǵylardy feısbýk-paraqsha ashýǵa mindettedi

ASTANA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev Agenttiktiń ortalyq apparaty men aýmaqtyq bólimsheleriniń departamentterine resmı feısbýk-paraqsha ashýdy tapsyrdy, dep habarlaıdy QazAqparat tilshisi.

«Ótken jyldyń sońynda Feısbýkte paraqsha jáne turǵyndardyń  usynystary men shaǵymdary úshin jeke poshta ashtym. Osy ýaqytta áleýmettik jelilerdiń dástúrli BAQ-tan kem túspeıtin mańyzdy baılanys quraly ekenin túsindim. Osyǵan baılanysty, Agenttiktiń ortalyq apparaty men aýmaqtyq bólimsheleriniń departament basshylaryna  qyzmettik maqsatta resmı feısbýk-paraqsha ashýdy tapsyramyn», - dedi Alık Shpekbaev Agenttiktiń keńeıtilgen alqa otyrysynda.

Onyń aıtýynsha, áleýmettik jeli turǵyndardyń naqty máselesinen habardar bolyp, jumystyń ashyq bolýyn qamtamasyz etedi. 

«Barlyqtaryńyz minsiz ımıdj bolǵanyn qalaısyzdar, sondyqtan jelide belsendi jumys isteısizder dep úmittenemin. Jańa dáýirdiń jańa talaptary bar jáne jaqyn bolashaqta jumysymyzdyń basym bóligi tsıfrlyq keńistikke ótedi. Damyǵan elderdiń kópshiliginde memlekettik organdar áleýmettik jeli arqyly resmı jaýap taratady. Biz de birtindep osyǵan kele jatyrmyz», - dedi Alık Shpekbaev.