Shpekbaev: Elektrondyq ulttyq valıýta qurýdy tezdetý kerek

NUR-SULTAN. QazAqparat – Elektrondyq ulttyq valıýta qurýdy jedeldetý kerek. Bul bıýdjet qarajatynyń ashyqtyǵyn tolyq qamtamasyz etedi. Búgin QR Sybaılas jemqorlyqqa qarsy is –qımyl agenttiginiń alqa otyrysynda vedomstvo basshysy Alık Shpekbaev osylaı málim etti.

Jıyn barysynda tóraǵa bıýdjet qarajatyna qatysty sybaılas jemqorlyq máselelerine toqtala kele, bul baǵytta «Tsıfrlyq Qazaqstan» baǵdarlamasynyń mańyzdylyǵyn atap ótti. Sonymen qatar, Alık Shpekbaev elektrondyq ulttyq valıýta qurýdy jedeldetýdi usyndy.

«Taǵy bir perspektıvalyq baǵyt– elektrondyq ulttyq valıýta qurý. Birinshiden, bul paraqorlar úshin yńǵaıly qolma-qol aqshany qysqartýdy jedeldetedi. Ekinshiden, memlekettik satyp alý kezinde bıýdjet qarajaty qozǵalysynyń tolyq ashyqtyǵyn qamtamasyz etedi», - dedi A. Shpekbaev.