Shpekbaev aýyr júk kólikteri týraly: Aıyppul salý máseleni sheshpeıdi
«Paıda tabýdy ǵana kózdeıtin tasymaldaýshylar júkterdiń salmaqtyq ólshemderin saqtamaıtyny eshkimge qupııa emes. Sol arqyly baqylaýsyz ótý úshin sybaılas jemqorlyq joldaryn izdeıdi. Osylaısha memleketke eki ese zııan keledi. Bir jaǵynan, qazynaǵa júk tasymalynan qarajat túspeıdi, ekinshi jaǵynan – jol sapasy nasharlaıdy», - deıdi Sybaılas jemqorlyqqa qarsy is-qımyl agenttiginiń tóraǵasy Alık Shpekbaev elordada ótken forýmda.
Agenttik janyndaǵy Arnaıy monıtorıngtik top Kóliktik baqylaý ınspektsııasymen birlesip 47 reıd ótkizgen.
«Nátıjesinde 225 artyq júk tıeý faktisi anyqtalyp, ár jaǵdaı boıynsha ákimshilik hattama toltyryldy. Árıne, aıyppul salý arqyly jaǵdaı túzelmeıdi. Túbegeıli sharalar qabyldaý qajet. Damyǵan elder tájirıbesine súıenip, baqylaý-ótkizý beketterinde júk ólsheýdiń avtomattandyrylǵan júıesin engizý arqyly adamı faktordy tolyq alyp tastaý - sheshimniń ońtaıly nusqasy», - deıdi ol.
