Shoıgý astanany Sibirge kóshirýdi usyndy
ASTANA. 8 sáýir. QazAqparat - Máskeý oblystyq dýmasy gýbernator laýazymyna bekitken TJM basshysy Sergeı Shoıgý Reseı astanasyn Sibirge kóshirý qajet degen pikirin bildirdi. Ol bul pikirin «Orys jańalyqtar qyzmetiniń» efırinde málim etti, dep habarlady «Lenta.rý».
Tývada týyp ósken Shoıgý Sibirdi damytý qajettigin birazdan beri aıtyp júr. Atap aıtqanda, ol Vladımır Pýtınge Shyǵys Sibir men Qıyr Shyǵysty damytý jóninde memlekettik korporatsııa qurýdy usyndy.
Shoıgýdyń usynystaryn «Basqa Reseıdiń» kóshbasshysy Edýard Lımonov ta qoldap keledi. «Men 1994 jyldan beri astanany Ońtústik Sibirge kóshý jóninde aıtyp júrmin. Bul Sibirdi Reseıge bekite túsedi jáne qytaı ekspansııasyn úrkitedi, Reseıdiń eýropalyq bóliginiń júktemesin azaıtady», - dedi Lımonov «Interfaks» agenttigine.
Shoıgý Máskeý oblysynyń gýbernatory qyzmetine aımaqtyń qazirgi basshysy Borıs Gromovtyń ókilettik merzimi aıaqtalǵannan keıin 11 mamyrda kirisedi. Jańa gýbernator Máskeýdiń oblys bóligine birigýi kezinde jumys jasaıtyn bolady. «Biz Máskeý oblysynda da Máskeýdegideı jaǵdaı týǵyzýymyz qajet», - dedi ol.
