Shovı kýrortyndaǵy kóshkin: qurbandar sany artyp, joǵalǵandar izdestirilip jatyr
ASTANA. QazAqparat – On úshinshi kúni kóshkinnen mert bolǵan 26 máıit tabyldy. Jeti adam iz-túzsiz joǵalǵandar tiziminde, dep habarlaıdy QazAqparat Euronews-ke silteme jasap.
Kóshkinnen keıin on úshinshi kúni Grýzııanyń Shovı kýrortynda qaza tapqandar sany 26 adamǵa jetti, taǵy jeti adam iz-túzsiz joǵalǵandar tiziminde.
Іzdeý-qutqarý jumystary apat bolǵan ortalyqta da, Rıonı jáne Chanchahı ózenderiniń ańǵarynda jalǵasyp jatyr.
Grýzııa Іshki ister mınıstrliginiń málimetinshe, qutqarýshylar epıtsentrdegi úıindiniń 90%-yn súzip shyqty.
Іzdeý jumystaryna qosymsha kúsh tartylyp, aýyr jáne sý tehnıkasy jumyldyryldy.
Bıliktiń málimetinshe, Shovı kýrortyndaǵy joıqyn kóshkinniń sebebi – birneshe geologııalyq jáne gıdrometeorologııalyq qubylystardyń bir ýaqyta sáıkes kelýi.
Eske salaıyq, 3 tamyzda Grýzııanyń batysyndaǵy Racha taýly aımaǵynda bolǵan kóshkinnen Shovı kýrorty tolyq joıyldy.
Grýzııanyń Shovı kýrortynda bolǵan qaıǵyly jaǵdaıǵa baılanysty 7 tamyz elde qaraly kún bolyp jarııalandy.
