Shoýshenk túrmesinen qashý: Fılmdegi jaǵdaı Norvegııada qaıtalandy
OSLO. QazAqparat – Norvegııada sarymaıǵa arnalǵan pyshaqpen túrmeniń beton qabyrǵasyn oıyp otyryp, túrmeden qashyp ketken qylmysker ekstradıtsııalandy jasady, dep habarlaıdy QazAqparat.
Jergilikti «Dagbladet» basylymynyń jazýynsha, Albanııa azamaty Norvegııadaǵy túrmeden alty jyl buryn qashyp ketken. Ol Germanııada ustalyp, osy aptada Norvegııaǵa qaıtaryldy.
Qashqynnyń álemdegi eń jaıly abaqtylardyń biri sanalatyn túrmeden nelikten qashqany ázirge belgisiz. Óıtkeni Norvegııa Koroldiginiń penıtentsıarlyq mekemeleriniń «kýrort» atanǵany da tegin emes.
Hedmark provıntsııasynyń abaqtysyna jabylǵan qylmysker 2013 jyly beton qabyrǵany sarymaıǵa arnalǵan pyshaqpen oıyp otyryp, tesik jasap qashyp ketken. Sonysyna qaraı, qashqynnyń «Shoýshenkten qutylý» fılmin kórip alyp, sıýjettegi jaǵdaıdy qaıtalaǵan bolýy múmkin degen joramaldar aıtylyp jatyr.
Albanııalyq qylmyskerdiń advokaty onyń alty jyl qashqynda júrip nemen aınalysqany týraly suraqqa jaýap berýden bas tartty. Qorǵaýshynyń aıtýynsha, esirtki isi boıynsha sottalǵan qylmysker aldyn ala tergep-tekserý kezinde bostandyqqa shyǵatynyna úmit etip otyr.
Avtory Іlııas Omarov
