Shoý jasaǵan ushaq sýǵa qulap, ushqysh ajal qushty
ASTANA. QazAqparat - Brazılııanyń Salvador qalasyndaǵy jaǵalaýda kópshiliktiń kóz aldynda ushaq apatqa ushyrap, ushqysh qaza tapty.
Jergilikti bılik ókilderiniń aıtýynsha, ushaq jaǵalaý qonaqtarynyń kóńilin kóterý úshin áýede shoý jasaǵan. Biraq ne bolǵany belgisiz, áýede ushyp júrgen ushaq jaǵalaýdaǵy sýǵa baryp qulaǵan. Qutqarýshylar dereý kómekke umtylyp, ushqyshty aman alyp shyqqanymen, aýyr soqqy alǵan ol aýrýhanada kóz jumdy. Apat sebepteri anyqtalyp jatyr, dep habarlaıdy 24.kz.
