Shoý-bıznestiń juldyzdary sal aýrýyna shaldyqqan balalardy Naýryz merekesimen quttyqtady

Atalmysh sharany uıymdastyrǵan «Merı Keı» (Qazaqstan) kompanııasy balalarǵa jáne olardyń ata-analaryna arnaıy merekelik dastarqan men kontsert uıymdastyryp, syılyqtar tabystady. Sharaǵa ortalyqta em alyp jatqan bir jastan 14 jasqa deıingi 58 bala men olardyń ata-analary qatysty.

Qazaqstan arýy Janna Jumalıeva barsha qaýymdy Naýryz merekesimen quttyqtap, balalarǵa densaýlyq, ata-analaryna kúsh-qýat tiledi. Onyń aıtýynsha, qaıyrymdylyq sulýlyq baıqaýynyń ajyramas bir bóligi bolyp tabylady.

«Merı Keı» kompanııasynyń bas dırektory Konstantın Kýlınıchtiń pikirinshe, Qazaqstandaǵy múgedek balalardyń máseleleri tek ata-analardyń jáne medıtsına mekemelerindegi qyzmetkerlerdiń problemasy bolmaýy kerek. «Kommertsııalyq uıymdar elimizdegi múgedek balalardyń ońalý jaǵdaıynyń jaqsarýyna atsalysýy kerek», - dep atap ótti ol.

"Bizdiń ortalyqqa mundaı kólemdegi juldyzdar birinshi ret kelip otyr. Ózderińiz de bilesizder, bundaı aýrýǵa shaldyqqan balalarǵa kóbine jaqsy kóńil-kúıler men jylýlyq, qarym-qatynas jetpeıdi. Jıi qonaqtar kelse, olar bir jadyrap qalady. Negizinen ortalyqqa tsırktiń ártisteri men basqa da eriktiler jıi kelip ketedi. Tanymal adamdar óz jylýlyqtaryn berip, kúsh-qaırat syılap ketedi. Mundaı sharalardyń olarǵa tıgizer paıdasy kóp. Sondyqtan, ıgi isti uıymdastyrýshylarǵa alǵysymdy aıtqym keledi", - dedi ortalyq dırektorynyń orynbasary Janna Qojaeva.

Onyń aıtýynsha, bul «Merı Keı» kompanııasynyń birinshi kómegi emes. "Kompanııa 2007 jyldan osy syndy sharalar uıymdastyryp, balalardyń psıhologııalyq kómek alýyna arnalǵan "Sensorlyq bólmeni" jáne tezirek ońalýyna yqpal beretin eki "Gross trenajerin" bizdiń ortalyqqa syıǵa tartqan bolatyn. Sonyń arqasynda balalardyń 15 paıyzy ońaldy. Bul óte qajetti dúnıeler elimiz boıynsha tek bizdiń ortalyqta ǵana bar", - dep atap ótti ol.

Balalardy quttyqtaýǵa arnaıy kelgen tanymal skrıpkashy Jámıla Serkebaeva da óziniń ystyq lebizin bildirip, eń úzdik týyndylardy oryndady.