Shotlandyqtardyń tańdaýy ashyq jáne qýatty Eýropa úshin oń sheshim - J.Barrozý
BRıÝSSELЬ. QazAqparat - Eýrokomıssııa tóraǵasy Joze Manýel Barrozý men NATO-nyń bas hatshysy Anders Fog Rasmýssen óz málimdemelerinde Shotlandııada ótken referendým nátıjesin quptap, qoldaý tanytty. «Birikken Koroldiktiń biriligin saqtaýdy sheshken shotlandtyqtardyń tańdaýyn maquldaımyn, Bul nátıje ashyq jáne qýatty Eýropa úshin oń sheshim», - dedi J.Barrozý.
«Eýrokomıssııa qorshaǵan ortany qorǵaý, klımattyq ózgerister, ekonomıkalyq ósim, jalpy eldiń bolashaǵyna jaýapty syndarly dıalogty Shotlandııa bıligimen jalǵastyra beretin bolady», - degen J.Barrozý óz sózinde.
Al, A.Rasmýssen shotland halqynyń referendýmda jasaǵan tańdaýyn NATO baǵalaıtynyn atap ótti. «Ulybrıtanııa - NATO negizin qalaýshylardyń biri jáne men onyń bizdiń alıanstyń kúshtiligin saqtaýda mańyzdy orynda bolatynyna senimdimin», - dedi A.Rasmýssen.
